Du er her

Samisk

Dieđut min birra

Vuoiggalašvuođa Vuođđudus lea vuođđudus Norggas mii galgá doaibmat veahkehit olbmuid geat leat šaddan vuoigatmeahttunvuđolaččat gillát. Vuođđudus galgá bargat sin vuoigatvuođaid ovddas, olmmošárvvu ovddas ja nu ahte buot olbmot, beroškeahttá makkár duogáš leš, galget beassat eallit dábálaš eallima min riikkas. 

Min doaimmat:

Vuođđudusa ulbmil lea veahkehit ovttaskasolbmuid min servodagas geat leat vásihan:

- Boastut šaddan skuvlaruktui, mánáidruktui ja fuolahusruktui, váilevaš goziheami almmolaš ásahusain, seksuála illasteami, váilevaš skuvlavázzima ja givssideami.

Mii sáhttit eaŋkilolbmo veahkehit čohkket dokumeanttaid ja áššebáhpiriid ja čállit ohccámuša gáibidit vuoiggalaš buhtadusa stádas ja gielddas. Čoahkkimiid lágidit min ja geavaheaddjiid gaskal, jus dárbu. Mii veahkehit buhtadusa ohccát maiddái veahkaválddálašvuođa dihte. 

2020 giđa álggaheimmet ođđa prošeavtta “Veahkki NAV:ain”. “Veahkki NAV:ain” lea nuvttá NAV- ja kriisaráđđeaddinbálvalus dutnje gii dárbbašat liigi ráđđeaddima mii guoská NAV:ái ja/dahje ráđđeaddima priváhta ruhtadili ektui. Min olahat post@hjelpmednav.no bokte, dahje riŋges 03142 vai beasat ságastallat mis muhtin čeahpes ja smáđáhkes vuosttašlinjáráđđeaddiin. Eanet dieđut www.hjelpmednav.no

Vuođđudusa doaivvaáigumuš:

Riika gos buot mánáin, nuorain ja ollesolbmuin lea sihkkaraston vuoigatvuohta

-eallit ja bajásšaddat vearrivuođa haga

-oaččut fuolahusa ja suddjema bearrašis, báikegottis ja servodagas

-sihke oahppat ja ovdánit buori servodatmiellahttun šaddat

-gulahallat áššiin mat gusket sidjiide

-ahte eiseválddit sin duođas váldet

-eallindilli sihkkarastit, ja galgá šaddat nu buorre go vejolaš

-sihkkarastit vuoigatvuođa árvvolaš eallimii beroškeahttá ruhtadilis dahje muđui dilis

-bisuhit olmmošárvvu servodagas

Kantuvra Dokkas

Skábmamánu 1. beaivve 1993 rabai stádačálli Ole Jacob Frich, Sosiáladepartemeanttas, máilmmi vuosttaš “vuoittáhalliid kantuvra” Dokkas, Nordre Land suohkanis, Opplandas. Generalčálli Tor Bernhard Slaathaug jođiha kantuvrra. Muđui bargit leat kántur/ekonomiijahoavda, áššemeannudeaddjit ja kánturčálli.
Vuoiggalašvuođa Vuođđudus lea maid ásahan báikkálaš kantuvrra Osloi.

Lea stivra mii jođiha Vuoiggalašvuođa Vuođđudusa ja das leat čuovvovaš miellahtut:

Stivrrajođiheaddji: Knut Lunde (Oslo), Nubbijođiheaddji: Gro Hillestad Thune, Oslo
Stivrramiellahtut: Bjørn Bratbakken (Brumunddal), Hanne Mæland (Tanumshede), Kirsti Birkeland (Heer), Mona Anita Espedal (Sandnes), Asmund Kristoffersen (Tingvoll), Katrine Olsen Gillerdalen (Aurskog) ja Lars Birger Salvesen (Eidsvoll)
Várremiellahtut: Anne Elisabet Bye Nilsen (Bøverbru) ja Morten Solberg (Kristiansand)
Álggu 1993. rájes ja gitta miessemánu 2020 rádjái lea ohccámiid vuođul juolluduvvon badjel 416 millijovnna ruvnno.

Háliidat go min veahki?

Jus mii galgat sáhttit veahkehit du buoremus lági mielde buhtadusa ohccát, de fertet midjiide sáddet:

1. 250 kr jáhkkái (porto gokčat jnv.) nu guhkká go áššát lea meannudeami vuolde.

2. Doaimmahanválddiid masa leat vuolláičállán

3. Gažaldatskovi maid leat vástidan

4. Kopiija legitimašuvnnas (pássas, báŋkokoarttas, vuodjingoarttas)

5. Dievas iešdieđáhusa

 

Mii álgit áššát meannudit go supmi maid šattat máksit lea registrerejuvvon, ja go sihke gažaldatskovvát ja doaimmahanválddit lea midjiide boahtán. 

Mii čohkket buot duođaštusaid masa lea dárbu. Jus alddát leat duođaštusat iežat áššis, de sihtat du daid máŋget ja sáddet Vuoiggalašvuođa Vuođđudussii. De seasttašii áššemeannudanáiggi.
Fertet vástidit gažaldatskovi mii čuovvu, ja sáddet dan midjiide. Lea dehálaš ahte attát midjiide nu olu dieđuid go vejolaš suohkana birra gos leat bajásšaddan, váhnemiid ja skuvllaid birra ja masa áiggošit veahki.

Lea dehálaš ahte ohccámuša mielde čuovvu iešdieđáhus. Dat ferte leahkit nu dievaslaš go vejolaš, ja das fertet iežat sániiguin čilget man dihte almmolaš eiseválddiid váiddát, ja makkár dilli dus lei. Dat dokumeanta mearkkaša hui olu go ohccámuša galgá meannudit. Vuoiggalašvuođa Vuođđudus ferte dán dokumeanta oažžut ovdal ohccámuša sádde viidáseappot almmolaš instánssaide, nu go Stáda Siviilariektehálddahussii ja/dahje suohkanii.

Mii leat bures hárjánan buhtadusa ohccát almmolaš eiseválddiin, ja mis lea earenomáš gelbbolašvuohta áššiin mat guosket váilevaš skuvlavázzimii ja fuolahussii, mánáidsuodjalussii, veahkaválddálašvuhtii, givssideapmái ja eará buhtadusáššiide vuoiggalašvuođa ektui.

Jus leat nuorat go 21 jagi:

Jus áiggot stádas ohccát buhtadusa vuoiggalašvuođa geažil fertet leat unnimusat 21 jagi boaris, danin go ášši ferte leat boarásmuvvan. Jus mánáidsuodjalus lea addán joatkkadivššu, ferte 3 jagi gollat das rájes go joatkkadikšu loahpahuvvui.

Jus ášši ii leat boarásmuvvan, de lea dus vejolašvuohta gáibidit buhtadusa suohkanis, buhtadusa ohccáma bokte (mainna mii sáhttit veahkehit), dahje vuolggahit ášši suohkana vuosttá (de dárbbašat advokáhta).

 

Mis lea jávohisvuođageasku buot dieđuid geažil mat gustojit dutnje ja áššiidat.

Min bargoveahka:

Generálačálli: Tor Bernhard Slaathaug

Kántorhoavda/áššemeannudeaddji: Aud S. Maliberg

Áššemeannudeaddji: Anne S. Bjerke

Kántorčálli/áššemeannudeaddji: Zane Ruseniece

Jus háliidat deaivvadit minguin ságastallat áššát dihte, de riŋges dahje čális e-poastta vai beassat deaivvadeami lihtodit.

Kántoráigi lea:

Vuossárggas – duorastahkii: Dii. 08.00 – 15.00

Bearjadaga: Dii. 08.00 – 13.00

Adreassa:

Vuoiggalašvuođa Vuođđudus, Storgata 26, 2870 Dokka

Tlf: 61 11 89 90

E-poastta: post@rettferdnorge.no

Interneahtta: www.rettferdnorge.no

Facebook: https://www.facebook.com/rettferdnorge/

 

Veahkki NAV:ain

Maid mii bargat

Veahkki NAV:ain lea sorjjasmeahttun, nuvttá ja neutrála ráđđeaddinbálvalus olbmuide geain lea gaskasáhka almmolaš bálvalusain ja leat bártideame iežaset áššiiguin. Gosii njeallje mánu maŋŋel go álggiimet doaibmat, leat mii fuobmán dárbbu Veahki NAV:ain lassánit. Mearkkašahtti oassi prošeavttain lea čájehit áddejumi, addit oadjebasvuođa ja geavatlaš veahki dutnje gii leat gaskaságain ovdamearkka dihte NAV:ain. Veahkehit maiddái internationála bálvalusaid hárrái maid muhtomin ferte heivehit oktii Norgga bálvalusaiguin.

Geat mis bivdet veahki?

• Olbmot geat dárbbašit vuđolaš veahki danin go bártidit NAV-systemain dahje almmolaš bálvalusain iežaset áššiin.

• Geavaheaddjit geat dárbbašit stuorát ressursagáibideaddji ráđđeaddinbálvaleami máŋggadáfot áššiin.

• Olbmot geat eai báljo hálddaš digitála reaidduid

• Bargosisafárrejeaddjit geat eai leat beassan vuolgit ruoktot lagamusaid lusa go rájit giddanedje koronadili geažil.

• Sihke olbmot geat áiddo leat šaddan bargguhisvuhtii koronadili geažil ja muđui bargguheames olbmot

• Norgga stádaborgárat sihke siskkobealde ja olggobealde EU-riikkain

• Muđui olbmot hearkkes dilis

Oktavuođadieđut

• Telefovdna: 03142

• E-poastta: post@hjelpmednav.no

• Kánturčujuhus: Holbergs Plass 4, 2.etg (Skaperkraft Coworking) Riŋges lihtodit deaivvadeami.

• Prošeaktajođiheaddji: Lars Birger Salvesen, telefovdna 932 49 752

• Galles min Facebookas dahje Instagramas. Doppe maid vástidit du gažaldagaid.


 

 

 

 

 

 

Bokmerk og del